Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Ikusi eta egin

Artaxoako Zerkoa

Harresiz inguratutako multzoak

Multimedia

Artaxoako Zerkoa
Artaxoako Zerkoa - Artajona
icono pie de fotoArtajona
Artaxoako Zerkoa
Artaxoako Zerkoa
Argazki guztiak ikusi

Eguraldia

Oharpena

CORONAVIRUS: La información de este portal que contiene fechas y horarios ha sufrido cambios. Se aconseja reconfirmar cualquier información con los gestores.


Azpian duen muinoak marraztutako soslaiari ezin hobeki egokitua dago Artaxoako Zerkoa eta horrek aukera emanen dizu Nafarroako Erdialdeak Erdi Aroan utzi digun herri gotorlekurik garrantzitsuena gozatzeko.

Zerko barnean ibiltzen bazara, XI. mendeko harresi-barrutia aurkituko duzu. Hasieran hamalau almenadun dorre izan zituen -horietatik bederatzi daude gaur egun-, denak erronda-bideaz lotuta. Hasieran, hainbat portale zeuden harresi-barrutira sartzeko eta haietatik bi iritsi dira gureganaino, San Migel eta Erremagua izenekoak.

Sartu bezain laster, atzera eginen duzu denboran harik eta Erdi Arora ailegatu arte. Berehala, burura etorriko zaizkizu errege-erreginak, nobleak zaldi gainean, juglareak, apezpikuak eta nekazariak, denak arropa astunekin jantziak. Iraganeko garaiak gogora ekartzeko parada egokia da. Alde horretatik, saia zaitez irudikatzen barruti honetako bizimodu hura. Eta kaskoan, San Saturnino eliza-gotorlekua dago, XIII. mendeko eraikin izugarria, monumentu historiko artistikoa deklaratua.

Ederra da zinez Artaxoako alderik gorenetik dagoen ikuspegia. Izan ere, almenadun dorrez zipriztindutako mihise ikusgarria da. Giltzurrun itxurako multzo hori bere osoan dago lurraren gorabeherei ederki egokitua, den-dena soroz eta alorrez inguratua. Gotorleku zoragarri horri Zerkoa esaten zaio eta 1085ean hasi ziren eraikitzen, Toulouseko Saint Zerningo kalonjeen aginduz. Lanak 1109an bukatu ziren. Mendez mende, errege-erreginek, jaunek eta elizjendeak biziro irrikatu duten tokia izan da eta horrek hamaika borroka sortu zituen. Hori dela eta, gotorlekua hainbatetan berreraiki behar izan zuten, bereziki Karlos II.a Gaiztoaren erregealdian (XIV. mendea).

Behin harresiraino garamatzaten aldapa pikoak gaindituta, bi zubi izanen dituzu barnera sartzeko, biak hasieratik beretik daudenak: San Migel eta Erremagua. Sarrera librea da. Hamalau dorrek zaintzen zituzten silarri sendoak eta haietatik bederatzi kontserbatu dira, denak kubikoak eta almenadunak, XII. mendeko harresiak eta erronda-bideak lotuta.

Multzo osoak babestu egiten du San Saturnino eliza-gotorlekua eta, ezkila-dorrea izateaz gain, bazterrak zaintzeko toki aproposa ere izan zen hura. Tenplu erromanikoaren gainean XIII. mendean eraikia, multzoaren defentsan zegoen txertatua, bere osagaiek erakusten duten bezala. Horra hor, konparaziora, horma eta horma-bular sendo horiek, ziegatzat erabili zuten nabearen ganga gaineko erronda-bidea, ur putzua, sakristia espetxetako erabili izana eta XIV. mendeko dorre prismatikoa, XV. mendean guardia postu gisara erabilia.

Bereziki nabarmentzekoa da XIII. mende bukaerako atari gotikoa; tinpanoaren inguruan badira erabat apaindutako hamabi arkibolta eta tinpanoak hiru irudi ditu zizelkaturik: San Saturninoren martirioa, eta Nafarroako Erregina Joana eta bere senarra, hots, Felipe Ederra.

Pieza bitxien artean Erdi Aroko uharka dago. Duela gutxi aurkitu zen, elizaren iparraldeko hegalean. Zazpi bider lau metroko azalera du, eta hiru metro sakon da. Goialdean mozturik dago, baina gurutze-gangetako arkuen oinarrietako mentsulek bertan iraun dute egundaino.

Etortzen zarenean, 1505etik 1515era egindako erretaula gotikoa ikusiko duzu. Erretaulan San Saturnino eseriaren tailu bat ageri da, Ama Birjina eta Haurraren tailu gotikoa, eta kalbario bat -gotiko hispaniar-flandestarra-, den-dena pinturez eta urre ugariz osatua. Halaber, horma-irudi gotiko interesgarriak badira absidean.

Gotorlekuan ibili ondoren, atera zaitez Artaxoa osoaren ikuspegi ederra ikustera: Erdi Aroko herria muino-hegaletik behera labaintzen da. Ikusgarria benetan.

Ba al zenekien...?

Se puede acceder mediante visita guiada a la cubierta de la Iglesia de San Saturnino y ver su ingenioso tejado invertido y paso de guardia.

Kokapena

Oharrak

El Punto de Información Turística se encuentra dentro del cerco, frente a la puerta principal de la Iglesia Fortaleza de San Saturnino.

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa

  • Herria ARTAJONA ( 31140 )
  • Zonaldea Erdialdea
  • Helbidea Calle San Saturnino
  • Web
  • Esteka interesgarriak
  • Telefonoa 617189957
  • Estiloa Erromanikoa, Gotikoa
  • Babestutako obra edo lekua Monumento Histórico-Artístico